Mmuso wa Foreistata o saena MoU ya motheo le merSETA

Ka la 17 Mmesa, ho saennwe Tumellano ya Ditumellano (MoU) ya mantlha dipakeng tsa Mmuso wa Foreistata le merSETA ha dinatla tse pedi di ntse di itokisetsa ho ntlafatsa tshebedisano-mmoho e tiileng le ho ntshetsa pele thuto ya boleng bo botle porofenseng, moo teng eleng ho fana ka ditsebi tsa mesebetsi ya matsoho tse nang le bokgoni bo hlokahalang.

Tumellano ena e tshwaya qalo ya tsheebedisano-mmoho e tla tsamaisa popontshuwa ya ntlafatso ya mahlale le kwetliso profenseng ya Foreistata.

Ho saenwa ha MoU lenaneong la Ntshetsopele ya Dikgono tsa Foreistata, le ne le tshwaretswe Yunibesithing ya Foreisetata, Khamphaseng ya Borwa, Bloemfontein.

Tonakgolo ya Foreistata Mxolisi Dukwana, o itse tshebedisano ya mmuso le di-SETA tse fapaneng di hlahisitse ditholwana tse ntle haholo.

“Mosebetsi wa rona le di-SETA o lebisitse ho faneng ka dithupelo tse 4,389, boetapele le menyetla ya boithuto bakeng sa batjha ho tloha ka 2019.

“Re tla bitsa Seboka sa profensing sa Ntlafatso ya Tsebo le di-SETA kaofela ka Phato ho matlafatsa boikitlaetso ba rona ba ho hodisa mananeo a rona a ntlafatso ya ditsebo,” ho rialo Dukwana.

Ketsahalo ena e ne e tsenetswe ke Tonakgolo ya Foreistata, MEC ya Ditjhelete Gadija Brown, MEC wa Thuto Makalo Mohale ho tshehetsa selekane pakeng tsa mmuso wa profense le merSETA.

Mmuso wa Profense ya Foreistata o nkile kgato ya pele e kgolo ho rarolla diphephetso, haholoholo kgaello ya bokgoni, e tobaneng le profense.

Moemedi wa ofisi ya Bookamedi wa merSETA Disa Mpande o fane ka sepheo sa ketsahalo eo ho arolelana temohisiso ya karolo ya merSETA, maikemisetso, le karohano ya kopanelo.

“Ha ho pelaelo hore tumellano ya kajeno e tsamaya ka tsela e itseng ho fokotsa tshebetso ya tlhokahalo ya ditsebo le ditaba tsa phepelo, mekgwa e metjha ya kwetliso bakeng sa phetoho ya maemo a lehodimo ka ntlafatso ya theknoloji le dipono tse ntjha tsa sehlahiswa le ho kopanngoa ha ditsamaiso tse nepahetseng ho latela mangolo a teng bakeng sa ntshetsopele e tswelang pele ya profeshenale,” ho boletse Mpande.

MerSETA e behile ka pele R300 milione ho ka rarolla dikoloto tsa baithuti ba kabang 1,500.

Sena ha se lekgetlo la pele moo mmuso wa Foreistata le merSETA di sebetsang mmoho, selemong sa 2021, mekgatlo ka bobedi e ile ya sebedisana ho matlafatsa lenaneo la ntshetsopele ya batjha le nang le sepheo ho netefatsa hore batjha ba ntlafala.