Dikgweding tse nne tse fetileng, banana ba 150 ba banyenyane dilemong, ba pakeng tsa dilemo tse 10 le 14 ba belehile bana.
Hoya ka boitsebiso bo tswang lefapheng la bophelo bo botle la profense ya Foreisetata, batjha ba fetang 14 000 ba pakeng tsa dilemo tse 15 le 19 ba belehile bana ngwahola.
Matswalo a 150 a banana ba pakeng tsa dilemo tse 10 le 14, a tlalehilwe ke lefapha la bophelo bo botle la Foreisetata ka dikgwedi tse nne feela, e leng hodimo ka mokgwa o tshosang.
Hoya ka lekgotla la dipatlisiso tsa bongaka la Afrika Borwa, 16% ya basadi ba batjha ba pakeng tsa dilemo tse 15 le 19 ba qadile ho ba le bana le pele ho sewa sena.
Ditoropong, peresente ke 11%, athe mahaeng, ke 19%.
Setereke sa Thabo Mofutsanyana ke sona se nang le sekgahla se phahameng ka ho fetisisa sa bakgatjhane ba batjha.
Ho ya ka Mondli Mvambi, mmuelli wa lefapha la bophelo la Foreisetata, dibaka le ditleliniki tse amohelang batjha di fana ka thuto ya thobalano ho batjha le ho kgothaletsa thero ya malapa ho thibela bokgatjhane bo sa rerwang.
Ka Phuptjane, letona la ntshetsopele ya setjhaba Lindiwe Zulu o ile a etsa boipiletso ho mafapha a mmuso ho sebetsa mmoho ho lwantsha sewa sa boimana bo phahameng ba batjha.
You may also be interested in:
Baahi ba Foreisetata ba kgothaletswa ho nka karolo dikopanong tsa maano a EPWP
Morwetsana ya dilemo di 27 o tshwerwe ka ho bolaya mohlankana wa hae ka sehloho
Winburg protest | Batjha ba bararo ba tshwerwe kamora ho tlatlapa mabenkele, le teraka nakong ya boipelaetso ba setjhaba
Phihlello ya mobu bakeng sa balemi ba basadi e ntse e le taba ya bohlokwa – ho rialo Mabuza
Maponesa a ntse a tsoma monna ya bolaileng mosadi wa hae ka sehloho
Lefapha la bophelo Foreistata letlo theha merero ya ho phahamisa boemo ba dipetlele tse putlameng
Kantoro ya Moporesidente e etela diporojeke tsa ntshetsopele ya meralo ya motheo ho phatlalla le Foreisetata
