Tonakgolo ya Foreistata Sefora ‘Sisi’ Ntombela o kopa hore ho be le kgutso ka mora hore motse wa Jagersfontein, o hlaselwe ke koduwa enngwe hape moo teng marako a letamo e ileng a aparela teropo eohle.
Ho ile ha putlama ha letamo le leng hape motseng ona o tobaneng le mathata maobane bosiu, 27 Lwetse.
Ka mora tsietsi ena, Ntombela o kopile baahi hore ba seke ba tshoha.
Palesa Chubisi, mmuelli wa tonakgolo ya Foreistata Ntombela, o itse Tonakgolo Ntombela o ikuetse [ho] setjhaba hore se se ke sa tshoha ka ha sehlopha sa dikoduwa sa porofense se kentswe tshebetsong sebakeng se amehileng.
“Mmuso wa porofense o ntse o leka ho fumana hore na phallo ya metsi ke bokae. Leha ho le jwalo, ho utlwahala hore metsi a ntse a phalla tikolohong ya Charlesville le polasing e haufi ya Dennis Louw,” ho hlalosa Chubisi.
Dibeke tse fetang tse pedi tse fetileng, baahi ba makgolo ba ile ba sala ba se na mahae ka mora hore lebota la pele la letamo le putlame.
Ka lebaka leo, motho a le mong o ile a shwa, ha batho ba babedi ba ntse ba le nyametseng mme ha ba so fumanwe.
You may also be interested in:
Mahlo ohle a shebile makgaolakgang a Mohope wa Tonakgolo ya Foreisetata
Tonakgolo Brown o tekile tekanyetso ya profense ya Foreisetata 2024
Sepolesa se letsholong ka mora ho bolawa ha monna le kgarebe ya hae Harrismith
Sisi Ntombela o tlo itokolla boemong ba hae ba ho ba Tonakgolo ya Foreistata
Ntate le mora ba tshwerwe ka ho utswa koporo motseng wa Kutloanong
Mmuso wa Foreisetata o tlo ahela matlo baahi ba Jagersfontein ba anngweng ke ho phatloha ha letamo
Premier Ntombela, merSETA to jointly launch youth programme in Mangaung
