Mohlankana wa mosadi eo setopo sa hae se fumanweng ha hae Tshiamo B, Harrismith, o fumanwe a hlokahetse ka difemeng tsa Harrismith. Sepolesa se fumane ho sena bopaki ba polao nyeweng ya ho hlokahala ha hae.
Mmueli wa Sepolesa, Mmako Mophiring o tlaleha hore ka laboraro, Pherekgong 17, sepolesa se fumane setopo sa monna se senang maqeba se fanyehuwe lekaleng la sefate sebakeng sa tlhahiso Harrismith.
“Setopo seo ke sa mohlankana wa Puseletso Paulina Motsimo (44), eo setopo sa hae se fumanweng ha hae, nyewe ya polao e butswe” ho bolela Mophiring.
Mophiring o re, kgaitsedi ya Motsimo o ile a ya ha hae ka di 15 Pherekgong 2024. Ha a fihla moo o ile a belaela hore hona le ho hong ho phoso ho etsahalang yaba o letsetsa sepolesa.
Sepolesa ha se fihla se ile sa itshohlometsa ka hare mme sa fumana setopo sa hae se rapalletse ka hara letamo la madi.
Setopo sa hae se ruruhileng se ne se bonahala se hlasetswe hampe ebile se siuwe feela.
O ne a dula le mohlankana wa hae, eo a sa kang a fumanwa. Sepolesa se ke ke sa fana ka lesedi ka mohlankana ho fihlela ba habo ba fumaneha.
Nyewe e butswe le diphuputso ntse di tswelapele.
You may also be interested in:
Maponesa a batlana le babelaellwa kamora hore setopo sa monna se fumanwe se e-na le maqeba a sethunya
Molekane wa mehleng ollelwa ke ditshepe ka mora ho beta kgarebe e nyane dilemong
Maponesa a tshwara dinokowane tse hlometseng ka potlako ka mora boshodu Ladybrand
Monna (30) wa Senekal o hlahella lekgotleng la dinyewe ka qoso ya ho tjhesa mokhukhu wa kgarebe ya hae
Harrismith woman allegedly kills boyfriend after ‘savage’ altercation
Monna o fumanwa a hlokahetse ka mora tlaleho ya ho hlaba mosadi leho kgakgatha bara ba babedi
Harrismith Police bust six illegal foreigners with copper cable worth R1m
Body of missing teenager found in a veld in Harrismith
