Monna o fumanwa a hlokahetse ka mora tlaleho ya ho hlaba mosadi leho kgakgatha bara ba babedi

Monna ya dilemo di 43 ya hlahang motseng wa Thaba Bosiu, Qwaqwa, ho tlalehwa ha a hlabile mosadi wa hae ka sebetsa se mutsu sefahlehong le mmeleng mme ka tsela e nyarosang mmele ka mora homo qosa ka ho hloka botshepehi, Mantaha bosiu, kala 12 Tshitwe.

Mmuelli wa seponesa seterekeng sa Thabo Mofutsanyana, leponesa Mmako Mophiring, o beletse hore ketsong ya ho hlaba mosadi, monna enwa o ile a tswella ho kgakgatha bara ba hae ba babedi ba dimelo di 16 le 13.

“Ka mora ho hlaba mosade leho kgakgatha bara ba hae, mmelaellwa o ile a tsamaya a ba siya ka tlung,” ho hlalosa Mophiring.

Seponesa sa Namahadi se ile sa bitsetswa sebakeng sena sa tlolo ya molao moo se ileng sa fumana ditopo tsa bashanyana ba babedi le mosadi ya hlabuweng hampe-mpe ka makgetlo empha a ntse a phela.

Mmelaellwa ha a tloha a fumanehile bosiung boo, mme hone ho tlalehwa ha a ena le bana ba bang ba hae ba babedi, eleng moshemane ya dilemo di 10 le ngwanana ya dilemo di robedi.

“Ho ile hwa tsebisahala ha morao hore bana bao bane ba ena le rakgadi wa bona,” ho bolela Mophiring.

Mosadi wa lehlatsipa o maemong asa tshepising sepetleleng..

Ka Labobedi, kala 13 Tshitwe, seponesa se ile sa tswella ho batlana le mmelaellwa mme sa fumana setopo sa hae a klung ya hae. Ha haona pelaelo ya tlolo ya molao lefung la hae.

Nyewe tsa polao, teko ya polao le dipatlisiso di butswi ke seponesa.

Mokomishinara wa Profensi ya Foreistata, Baile Motswenyane o re outlwile bohloko haholo ke ketsahalo ena ya mofuta on ka mora matsatsi a 16 a ho lwantsha  tlhekefetso ya basadi le bana naha ka bophara.

“Re eletsa banna ho tlohela ho hlekefetsa basadi le bana,” Motswenyane wa ipiletsa.