Tonakgolo Brown o tekile tekanyetso ya profense ya Foreisetata 2024

Tonakgolo ya ditjhelete Gadija Brown o tekile tekanyetso ya profense ya 2024 Bloemfontein ka la 6
Hlakubele 2024.

Mmuso wa profense ya Foreisetata o fane ka nehelano ya ho qetela ya tekanyetsokabo bakeng sa Tsamaiso ya Porofense ya bo tshelela, mme puo ya Brown e tsepamisitse maikutlo hodima ho lwantsha botlokotsebe le ho hodisa moruo wa Profense.

A ikamahantse le lefapha la metsi le tsamaiso ya dikgwerekgwere ya 2019, letona le boletse hore diperesente di
nyolohile ho tloha ho 82,3% ho isa ho 82.4% di fihletswe.

O boletse hore boleng ba metsi bo lokela ho matlafatswa, mme ba ikemiseditse ho sebetsa mmoho le
ditsibi tsa tokoloho ho atlehisa tsena ka ofela.

O boletse hape hore ho na le sehlopha sa tshebetso seo tonakgolo ya profense e se kopantseng ho
netefatsa hore sena sea etsahala.

Selemong se seseng se re siile, tonakgolo ya porofense ha e ne e tshetleha ditaba tsa” SOPA ” o ile a
bolela ka moo a kopantseng sehlopha sena ho netefatsa hore setjhaba se fumana phepo ya metsi ka
kotloloho.

Ho dima ho le jwalo, setjhaba sa meloding, Virginia se dutsi metsatsi a leshome se sena metsi pele
letona la ditjhete le ka fana ka ditekanyetso tsa porofense tsa 2024.

Letona la ditjhelete le itshetlehile ho bodulo, o boletse hore lefapha le fane ka R993,046 Million ho
phethahatsa tswelopele ya bodulo le ho ntlafatsa meaho.

“Tekanyetso ya tsa bodulo e tlase haholo ho latela tlhokeho ya matlo e ntseng e eketseha, ho na le
tshitiseho e kgolo ya ho aha matlo mme porofense ha e ya aha matlo ka nako e telele ho kenyelletsa le
merero e sa phethwang,” ho boletse Mmuelli wa porofense wa SANCO Shima Mahlatsi.

“Re tla nka karolo maemong ohle ho tlisa maikutlo le thahasello ya setjhaba ka pele,” ho rialo Mahlatsi.