Ka bonngwe, setjhaba sa Masilo le Theunissen se ile sa kopana ho sebetsana le bothata ba metsi bo aparetseng sebaka sena ho tloha ha ho senngwa setsi sa tlhwekiso ya metsi ka la 13/14 Tshitwe 2023.
Ho sa tsotellehe boiteko ba ho fana ka metsi ka diteraka, ho se sebetse hantle ha tsamaiso ya metsi. e siile baahi ba sa kgotsofala, e leng se bakileng qeto e kopanetsweng ya ho emisa phano ya metsi.
Ditlaleho tsa batho bao ho thweng ba lefa bakeng sa phano ya metsi, di hlahisitse ngongoreho ya kabo e lekanang ya metsi.
Ho feta moo, ditho tsa setjhaba di mameletse mela e telele ntle le ho fumana disebesiswa tsa bohlokwa.
Dintlafatso tsa masepala marang-rang a setjhaba mabapi le tokiso setsing sa tlhwekiso ya metsi ha di ya atleha ho kgahlisa setjhaba, kaha ho ne ho se dikopano tse felletseng tse hlophisitsweng ho hlakisa boemo bona.
“Taba ena hopola hore e qadile ka 2021 ka Tshitwe.. same time le hona jwale. Ha semela seo se ne se tlatlapuwa le ho senngwa.. yaba rona setjhaba re ema re batla dikarabo tabeng eo…matshwenyeho a rona e ne e le tshireletso ya sebaka seo,” ho rialo moetapele wa setjhaba, seterekeng sa Masilo, Ezekiel Molusi.
Jwale re ne re batla ho tseba hore re tla thola metsi pompong jwalo ka ha ho etsahetse dikgethong tsa dibaka moo metsi a ileng a tswa pompong hoo e ka bang ka 97% ya kasi beke kaofela ntle le tshitiso.
“Jwale selemong sena ho etsahetse ntho yona eo.. haona le bakati.. Leha ho le jwalo setjhaba se ne se sena metsi dipompong tsa 0% feela, e ka bonwa e le mokgwa wa ho hlohlelletsa pefo ka har’a setjhaba kgahlanong le bona ha bohle ba tobane le bothata bo tshwanang,” ho rialo Molusi.
Sebui sa Mmasepala wa sebaka sa Masilonyana (MLM) se ile sa kenella ho tsamaisa dipuisano, a tiisetsa setjhaba hore dikarabo di tla fanwa.
“Setjhaba se dula se fadimehile, se batla e seng feela ditharollo tsa hanghang tsa bothata ba metsi empa hape le ponaletso taolong ya merero ya masepala,” ho hlalosa Sebui sa Mmasepala wa Lehae wa Masilonyana, Steven Makata.
You may also be interested in:
Mathata a metsi a qobane le motseholo wa Theunissen ha basebetsi ba masepala ba ielaetsa ka meputso e sa lefshoeng
MoPresidente Cyril Ramaphosa o eteletse pele Imbizo Matjhabeng
Ofisiri ya masepala wa Matjhabeng e amanang le bobodu ba thendara ya Nyakallong storm-water project e tshwere ke di-Hawks
Tonakgolo Ntombela o kopa hore ho be le kgutso ka mora koduwa enngwe hape motseng wa Jagersfontein
Baahi ba Foreisetata ba kgothaletswa ho nka karolo dikopanong tsa maano a EPWP
Mmelaelwa wa botshelela o tshwere mabapi le ‘pefo ya setjhaba’ Masilonyana
Cash-strapped Masilonyana municipality fails to pay employees, councillors!
Masilonyana mayor charged with inciting public violence, granted R2 000 bail
