Mmelaelwa wa botshelela o tshwere mabapi le ‘pefo ya setjhaba’ Masilonyana

Palo ya babelaellwa ba amehang ketsahalong ya ho hlohlelletsa pefo setjhabeng ngwahola ese e ketsehile.

Sena, setla ka mora hore maponesa a tshware e mong wa babelaelwa maobane, Mantaha 6 Phupu.

Selemong se fetileng majoro wa mmasepala wa Masilonyana, lekhanselara Dimakatso Modise (47), ha mmoho le bo mphato ba hae, ba ile ba tshwerwa mabapi leho hlohlelletsa pefo setjhabeng.

Ho fihlela ha jwale, ho se ho tshwerwe batho ba ba batshelela ho kenyeletsa le ramotse mabapi le ketsahalo e etsahetseng lekeisheneng la Makeleketla haufi le Winburg.

Hoya ka mmuelle wa sepolesa seterekeng sa Lejweleputswa, mokapteni Stephen Thakeng, mmelaellwa wa bo tshelela o tshwerwe maobane, mme a fumana beile ya R2 000.

“Mmelaellwa, Karabo Brian Tseki (26) o tshwerwe ke sebophetho sa tsamaiso seterekeng sa Lejweleputswa ,” ho rialo Thakeng.

Kajeno, Tseki o hlahelletse ka pela makgotla a dinyewe, Theunissen moo a ileng a fumana beile ya R2 000.

Babelaellwa kaofela batla phetha ba kgutlela makhotleng a dinyewe a sedika, kala 3 Phato, Theunissen.