Letona la mehleng la diminirale Mosebenzi Zwane o lebelletswe ho etsa kopo ya beile lekgotleng la maseterata la Bloemfontein kamora hore a tshwarwe ka seabo sa hae sekgobong sa polasi ya lebese.
Bolaodi ba Botjhotjhisi ba Naha (NPA) bo netefaditse ho tshwarwa ha letona la mehleng hoseng hona, Lwetse 28.
Mmuelli wa Lefapha la Dipatlisiso la NPA Sindisiwe Seboka, o netefaditse hore ho tshwerwe batho ba bararo hoseng ka Laboraro, ho kenyeletswa le ya Zwane motseng wa Mangaung.
Ba bang ba babedi ke basebetsi ba mehleng ba lelapa la Gupta la Sahara Computers le Islandsite Investments.
“Tona ya mehleng ya mehlodi ya diminerale Mosebenzi Zwane o ile a tshwarwa hoseng hona, hammoho le mosebeletsi wa mehleng wa Sahara Ugeshni Govender le mookamedi wa Dihlekehleke Ronica Ragavan,” Seboka o boletse.
Seboka o hlalosa hore babellaellwa ba ile ba tshwarwa mabapi le bomenemene le bobodu bo hokahantsweng le morero o phehisanwang wa polasi ya lebese Vrede, Foreisetata, e kenyeletsang ditjhelete tsa setjhaba tse reretsweng ho ntshetsa pele dihwai tse ntseng di hola tsa batho ba batsho.
“Ka 5 Phupu 2012 Estina (Pty) Ltd e ile ya kena tumellanong le lefapha la temo la Foreistata ho theha le ho kenya tshebetsong morero wa polasi ya lebese Vrede ho thusa dihwai tse neng di hloka menyetla pele ho phahamisa batho ba sebaka seo,” ho boletse Seboka.
You may also be interested in:
Lekgotla la maseterata le tjhetjhisa kopo ya beile ya monna ya kwetetseng ngwana hae
Baqosuwa ba tshwerweng ka bolotsana ba tjhelete ya Musiamo wa Winnie Madikizela-Mandela ba lokollotswe ka beile
Banyalani ba batlwang, ba tshwerwe ka mora ho inehela ho di-Hawks
Mmuso otlo etsa tsebiso haufinyane mabapi le mathata a qobaneng le Eskom
Monna le mosadi ba fumanwe ba shwele ka mora ho khangwa ke Mbaula
FS High Court dismisses application by Gupta’s owned company to overturn restraint order
Lelapa la Lentor le tshenyehile ka ho lahleha ha mora wa lona ka Thabong