Seponesa se hlokometse tshebediso e kgolo ya dithetefatsi dikolong tsa Welkom

Seponesa sa Welkom se entse dipatlisiso ka sekgahla se seholo sa tshebediso ya dithetefatsi dikolong tsa Welkom maobane, kala 2 Phato.

Hoya ka mmuelli wa seponesa seterekeng sa Lejweleputswa, mokaptene Stephen Thakeng, o boletse hore seponesa se fumane matekwane baneng ba sekolo.

“Rele seponesa sa Welkom, re kopa thuso hotswa ho batswadi ka ho lekola mekotlana ya bana ba bona kgafetsa le pele ba ya dikolong,” ho bua Thakeng.

“E mong wa batswadi o ile a sheba ka hara mokotlana wa ngwana hae, mme a fumana sethunya se seng molaong. Moithuti enwa o ile a tshwarwa ke seponesa.

“Ho bonahetse hore baithuti ba sebedisa matekwane haholo dikolong, empa jwalo ka seponesa re tlo etsa bo nnete ba hore bana ba tshwarwa, ebile re etse dikolo di bolokehe ka ho hloka dithetefatse tsa mefuta yohle,” Thakeng wa qetella.