Seponesa se kopa thuso ho fumana malapa a ditopo tse pedi tse fumanweng Viljoensdrift

Mafokisi a Viljoensdrift a etsa dipatlisiso nyeweng tse pedi tsa polao e senang molato, ka mora ho fumana ditopo tse pedi tse thutsweng ke koloi kgweding ya Phupjane.

Hoya ka mmuelli wa seponesa seterekeng sa Fezile Dabi, Josephine Rani, ketsahalong ya pele, ya Mantaha mantsiboya, kala 24 Phupjane, seponesa se ile sa fumana pitso tseleng ya R82 pela lebala la papadi ya kirikete ya Vaal Cricket Club Viljoensdrift.

“Ha seponesa se fihla sebakeng se seo, se ile sa botsa mokganni wa koloi dipotso. Mokganni enwa o boletse hore o ne a kganna tseleng eo hoya Zamdela ha ngwanana ya dilemo tse kabang 18,” ho tlaleha Rani.

“Mofu o ne a apere borikgwe bo bolou ka mmala le bolause bo bo sweu,” ho tsebisa Rani.

Ketsahalong ya bobedi e etsahetseng ka Laboraro hoseng, kala 29 Phupjane, seponesa se ile tletlebong ya monna a fumanweng a paqame tseleng ya R59 a sa tsikinyehe.

Maponesa a ile a fumana monna wa moAfrika ya kabang dilemo tse 37, a hlokahetse thoko ho tsela.

Mofu one a apere borikgwe bo botsho ka baki e bolou le dieta tse tshweu.

Bafu bale babedi bane ba sena dibukana tsa boitsebiso ho bona.

“Seponesa se kopa thuso hotswa setjhabeng ho fumana malapa a ditopo tse fumanweng.

“Motho ya kabang le ditaba tsena tse ka thusang seponesa o kopuwa hore a founele lefokisi Stephen Litso dinomorong tsa 0670049783,” ho bolela Rani.