Maponesa a tsoma maponesa a maiketsetso kamora hore monna a qhekanyetswe tjhelete

Seponesa se batlana le dikweta tse ikentseng maponesa ka mora monna a kwetelwe moo teng a ileng a qhekanyetswa tjhelete ekang R15 000.

Monna wa Kutloanong a kwetetsweng ntlong ya hae ke babelaellwa ba ikentseng maponesa, o ile a nkelwa tjhelete e kana ka R15 000 bankeng ya hae ka Labohlano wa la 19 Phato. 

Ka tlung e ne ele ena le kgarebe ya hae e neng e ileng ya belaela hore babelaellwa hase maponesa. 

Mmuelli wa seponesa seterekeng sa Lejweleputswa, mokapotene Stephen Thakeng, o boletse hore babelaellwa ba bararo ba ma-Afrika ba etetse ntlo ya motletlebi mme ba fumana tumello ya hokena le ho batla ka mora ho ntsha dikarete tsa seponesa.

“E mong wa babelaellwa o ile a lo batla ka kamoreng ya ho robala mme a kgutla ka founu eo mahlatsipa a mabedi a neng a sa e tsebe. Founu ena e ne e kenyswe ka hara polasetiki e bonaletsang, ” ho hlalosa Thakeng. 

Mahlatsipa a ile a qobellwa ho kena ka hara koloi e tshweu ya moetso wa Toyota Corolla, e neng e eme ka ntle moo ba ileng ba hlokomelwa mmelaellwa wa bone wa morwa sebakeng seo.

Ka mora nako base ba tsamaile, kgarebe ya motletlebi e ile ya fumana ditaba hotswa ho monna ya ipoletseng ele leponesa Mabele, a bolella hore ba seteisheneng sa seponesa sa Satellite.

“Ho ile ha hlaka ka morao hore babelaellwa bane base seteisheneng seo ba tlalehileng ba le ho sona, empa ba ne bale Bloemfontein,” ho tsebisa Thakeng.

Lehlatsipa le ile la qobellwa ho etsa tsamaiso ya ditjhelete ka tse lekanang le R5 000 ha mooho le R10 000 hotswa bankeng ya hae hoya ho babelaellwa. 

Ka mora tsamaiso ya bobedi ya tjhelete, e mong wa leloko la lehlatsipa o ile a hlokomela hore hona le ntho e sa lokang ka banka ya lehlatsipa mme ya kwalwa.

Tjhelete e nngwe e kana ka R17 200 ha ya kgona ho tsamaiswa kapa ho hulwa. 

Babelaellwa ba ile ba fa lehlatsipa tjhelete ya tekesi ho kgutlela Kutloanong, mme a fetela seponeseng ha a fihla hoya bula nyewe.

“Mang-kapa-mang ya kabang le ditaba tse ka thusang ka ho fumana babelaellwa bana o koptjwa ho tsebisa lefokisi Juan du Plessis wa mafokisi a Odendaalsrus dinomorong tsa 0823012797. Hape, ditaba dika fetiswa ka nomoro ya seponesa ya tshohanyetso, 0860010111,” ho qetella Thakeng.