Babelaellwa ba bane ba tshwerwe ka mora hore seponesa se fumane ditaba tsa boshodu ba kgwebo

Rakgwebo wa molata o qhekanyeditswe dintho tsa hae tsa kgwebo ka sethunya mme babelaellwa ba baleha ka koloi e senang dinomoro polata ya moetso wa Ford maobane hoseng, ka la 9 Phato toropong ya Boshof.

Hoya ka mmuelli wa seponesa seterekeng sa Lejweleputswa, mokapotene Stephen Thakeng, monga kgwebo o ne a ntse a thusa bareki ka hara lebenkele ha banna ba babedi ba tla kena.

“Monna wa pele e nele wa mo-Afrika ha wa bobedi a ne a le mosweu ka mmala,” ho tsebisa Thakeng.

Monna wa bobedi o ile a supa monga kgwebo ka sethunya mme a batla chelete hotswa ho yena.

Ha mmelaellwa enwa a ntse a ntsha chelete, mmelaellwa wa bobedi one a ntsa nka dikwae le dintho tse di hotsetsang, diselefounu, mochini wa motlakase hara tse ding.

“Babelaellwa bana ba ile ba kena ka hana koloi e neng e ba emetse ya moetso wa Ford Evarest e senang dinomoro polata.

Lehlatsipa le ile la lelekisa koloi ena morao mme la e bata ka majwe mmoho le baahi ba bang.

Seponesa sa Boshof se ile sa tsebiswa ka ketsahalo ena mme maponesa a tla ka lewa la ho tshwara babelaellwa moo ba ileng ba tsebisa seponesa sa Dealesville.

“Seponesa sa Boshof se ntse se lelekisa babelaellwa ho fihla moo babelaellwa ba iphumaneng ba potapotilwe ke maponesa a Dealesville,” ho hlalosa Thakeng.

Maponesa a ile a etsa kopo ya ho batlisisa ka hara koloi ena, mme ba fumana sethunya sa ho bapala, le dintho utsitsweng kgwebong e Boshof.

Seponesa se ile sa nka dintho tsena tse fumanweng ka o fela ha mmoho le koloi e sebedisitsweng ho tlola molao.

• 

Babelaellwa ba dilemo di 31, 36, 37 le 43 ba ile ba tshwarwa mabapi le boshodu ba kgwebo, tshwaro ya thepa e belaellwang e utswitswe, le sethunya sa papadi se sebedisitsweng ho tlola molao.

Babelaellwa bana ka o fela batla hlahella haufi ka pela lekgotla la dinyewe la Boshof.

Khomishinara ya setereke sa Lejweleputswa, mokgenerale ya moholo Lerato Molale, o opetse matsoho maponesa a na a entseng bo nnete ba hore babelaellwa ba boshodu bana ba tshwerwe.

---

Do you have a news story? Send us news-tip off at: luyanda@kasivoicenews.co.za or WhatsApp us on 0780520389.