Maponesa a tsoma dinokwane tse pedi ho latela boshodu Bloemfontein

Setsi sa Walk Centre se Langehovernpark, Bloemfontein, e bile sebaka sa boshodu ka la 27 Phupu, moo teng mashodu a hlometseng a ileng a kena sebakeng sa kgwebo, mme a baleha ka thepa le tjhelete e sa bolelwang.

Maponesa a Bainsvlei a se a qadile letsholo la ho tsoma ba belaelwang ka botlokotsebe bona.

Ho ya ka mmuelli wa seponesa sa Mangaung, Thabo Covane, mookamedi wa lebenkele ya dilemo di 33 o tlaleha hore banna ba babedi ba MaAfrika ba ile ba kena ka lebenkeleng ba iketsa eka ke bareki.

Hang-hang banna bana ba ile ba ntsha dithunya mme ba ya ho bo-ra-tjhelete ba bane, ba ba laela hore ba kene ka ofising ya baqosi.

“Babelaelwa bana, ba utswitse mefuta e fapaneng ya mehala le tjhelete e sa bolelwang,” Covaneo o a hlalosa.

Ho feta moo, banna ba sa tsejweng ba ile ba baleha sebakeng sa ketsahalo ka koloi e tshweu ya Renault Cli, HRT 558 FS.

Hang ka mora hore banna bao ba tsamaye, maponesa a ile a bitswa sebakeng seo.

“Nyewe ya boshodu ba kgwebo e ngodisitswe bakeng sa dipatlisiso tse ding,” Covane wa tsebisa.

Mang kapa mang ya nang le tlhahisodeseding e ka lebisang ho tshwarweng ha mashodu ana a hlometseng, a ka iteanya le mokaptene Thapelo Motseki ho 082 466 8405.

Ho seng jwalo, lesedi le ka romelwa ho MySAPS App kapa nomorong ya seponesa ya ho tlaleha botlokotsebe ho 08600 10111.