Batho ba mashome a mahlano a metso e mmedi (52), boholo e le bao e seng ba naha, ba hlahile makgotleng a dinyewe ka mora diketso tsa botlokotsebe.
Babelaellwa ba tshwerwe ka ditlolo tsa molao Welkom le Virginia.
Ho ya ka mookamedi wa Profense wa seponesa, Baile Motsoenyane, sehlopha sa seponesa (POP) se ile sa etsa operation ‘Vala Umgodi’ seterekeng sa Lejweleputswa.
“Babelaellwa ba tshwerwe ka diketso tse seng molaong. Re le seponesa re fumane ba rekisa jwala ntle le mangolo a tumello le ho nwa pontsheng; boshodu, ho ba le thepa eo ho belaellwang hore e utswitswe, mme le dithethefatsi di fumanwe,” ho rialo Motswenyane.
O boetse a re ditho di ile tsa tswela pele ka tshebetso mme tsa fetela seterekeng sa X5 se Virginia ho ya pele
Mantaha wa la 15 Pherekgong hoo e ka bang ka 12:00.
Seponesa se ile sa tshwara monna ya dilemo di 40 ka lebaka la ho ba le thepa e utswitsweng. Motswenyane ore thepa ena, e ne le kgauta.
Ho feta moo ka Labobedi, 16 Pherekgong hoo e ka bang ka 13:30 thapama, ditho di ile tsa ya Albany Park, Meloding, moo ba ileng ba tshwara monna ya dilemo di 63 ka lebaka la ho ba le thepa ya kgauta.
Babelaellwa ba tshwereng, ba tla hlaha haufinyane makgotleng a dinyewe, Welkom le Virginia.
You may also be interested in:
Dinokwane tse nne di tshwerwe Ficksburg ka boshodu ba thepa ya lebenkele
Monna ya dilemo di 42 wa Welkom o tshwerwe ka thepa ya kgauta e boleng ba R68k
Batho ba bahlano ba tshwerwe ka lebaka la teko ya boshodu ya kgwebo Hertzogville
Babelaellwa ba bararo ba tshwerwe Parys ka boshodu ba kgwebo
Ma-Nigeria a mabedi a tshwerwe ka dithethefatsi Welkom CBD
Seponesa se batla babelaellwa kamora hore mabenkele a tlatlapuwe!
Winburg protest | Batjha ba bararo ba tshwerwe kamora ho tlatlapa mabenkele, le teraka nakong ya boipelaetso ba setjhaba
Seponesa se tswile letsholo ka mora hore molebedi a tlatlapuwe Welkom
