Batho ba bararo ba neng ba ipelaetsa kgahlanong le dibaka tsa bodulo Makeleketla, Winburg, ba ile ba tshwarwa bakeng sa pefo setjhabeng maobane bosiu.
Mmuelli wa seponesa seterekeng sa Lejweleputswa, mokapotene Stephen Thakeng ore boipelaetso bo mabifi bo qhomme Makaleketla, bosiung ba maobane, moo baahi ba ileng ba atamela tsela ya N1 mme ba tjhesa teraka e neng e feta.
“Seponesa sa Welkom se tsebahalang ka Public Order Policing, se ile sa bitsetswa sebakeng sa Makeleketla mme sa qhala baahi ba halefileng ka diqhomane le dikulo tsa rabara ho ho busetsa maemo,” ho rialo Thakeng.
Thakeng o tlaleha hore batjha ba bararo bao ba neng ba le ka hara setjhaba se halefileng boipelaetsong, ba ile ba tshwarwa bantse ba tlatlapa mabenkele.
O re batjha bana ba na le dilemo tse 15, 19 le 22.
“Ka lebaka leo ba ile ba tshwarwa mme ba tobane le diqoso tsa ho ba le thepa e utswitsweng le pefo ya setjhaba,” ho tlaleha Thakeng.
Bakganni ba dikoloi ba ile ba tlameha ho reteleha ho qoba dibaka tseo baipelaetsi le maponesa ba neng ba qabana ho tsona.
Boemo bo kgutsitse hoseng hona, mme maponesa a beile boemo leihlo ka hloko.
Do you have a news story? Send us news-tip off at: luyanda@kasivoicenews.co.za or WhatsApp us on 0780520389.
You may also be interested in:
Nyewe kgahlanong le batshwaruwa ba bararo ka boshodu ba di-ARV, e tjhetjhisitswe morao
Batho ba bahlano ba tshwerwe ka lebaka la teko ya boshodu ya kgwebo Hertzogville
Babelaellwa ba bararo ba tshwerwe Parys ka boshodu ba kgwebo
Ntate le mora ba tshwerwe ka ho utswa koporo motseng wa Kutloanong
Maponesa a fiela barekisi ba dithethefatsi diterateng tsa Winburg
Maponesa a tsoma maponesa a maiketsetso kamora hore monna a qhekanyetswe tjhelete
Seponesa se batla babelaellwa kamora hore mabenkele a tlatlapuwe!
Monna ya dilemo di 29 o tshwerwe ka ho rekisa matekwane
