Ditho tsa SAPS tsa Winburg, Bloemfontein Public Order Policing le Welkom K9 Unit di entse tshebetso ya ho sebetsana le dithethefatsi motseng wa Makeleketla, Winburg.
Ka la 7 Lwetse, leponesa Frans Mofokeng, o ne a phathahane ka mosebetsi wa thibelo ya botlokotsebe ha a bona mmelaellwa ya neng a batlwa wa dilemo di 24 ka boshodu, mme a isa seponesa moo thepa e neng e patilwe teng.
Mmuelli wa seponesa seterekeng sa Lejweleputswa, mokaptene Stephen Thakeng, o re maponesa a ile a tshwasa monna ya dilemo di 25 ya neng a rekisa matekwane a boima ba digrama tse 881, tseo ho tlalehwang hore di boleng ba R6 360.
“Ditho tsa maponesa di ile tsa latela ditaba tse mabapi le barekisi ba dithethefatsi. Ntlo e ile ya atamelwa, mme ditho tsa maponesa di a fumana dithethefatsi, matekwane le sethunya eseng sa ma nnete,” ho rialo Thakeng.
Maponesa a ile a tshwarwa babelaellwa ba dilemo tse 20 ho isa ho tse 26, ho ya ka Thakeng, babelaellwa bana, ba tswa Profinseng ya KwaZulu-Natal.
Babelaellwa ba tla hlaha haufinyane Lekgotleng la Maseterata la Winburg.
You may also be interested in:
Winburg protest | Batjha ba bararo ba tshwerwe kamora ho tlatlapa mabenkele, le teraka nakong ya boipelaetso ba setjhaba
Boshof SAPS e kopa baahi ho thusa ho fumana babelaellwa ka boshodu
Maponesa a tshwara mmelaelwa a le mong mabapi le boshodu Maokeng
Maponesa a ntse a tsoma monna ya bolaileng mosadi wa hae ka sehloho
Police open inquest after decomposed body of woman found in Winburg
Maponesa a tshwara mmelaelwa ka ho mo fumana ka mekotla ya matekwana Riebeeckstad
Babelaellwa ba bane ba tshwere ka diqoso tsa ho rekisa dithethefatsi Bohlokong
