Seponesa se etela Bronville, ho mamela ditshwenyeho tsa baahi ka botlokotsebe

Imbizo e ile ya tshwarelwa sekolong sa Hani Park, Bronville ka la 26 Phupu ka 14:00 ke Mokhomishenara wa setereke sa Lejweleputswa le sehlopha sa hae se e te tsweng ke kolonele Mohokare, kolonele Sieberts, le mokaptene Steyn, Msimango, mokaptene Sakkie Letsaba, mokapteneDlamini, kolonele Mathoka-Molapisi, le mokhomishinara wa lebatoha la Nyakallong, Allanridge eleng Lebo Lechesa.

Ketsahalo ena e monate e ne e etelletswe pele ke mokaptene Stephen Thakeng, mme Moruti Koos Berries o ile a bala Lengolo a ba a etsa thapelo.

Molaodi wa seteishene sa Bronville o amohetse bohle ba tlileng kopanong mme a hlahisa tlhahlobo ya mekgwa ya botlokotsebe ya Bronville.

Ka corian ya hae, lefokisi eleng Dennis Wangra o ile a etsa dipina tse monate tse tswang Lehodimong.

Puo ya sehlooho e ile ya boela ya fanwa ke Brigadier Mojafi, mme Mokolonele Montsheng Mohokare o ile a bina pina nakong ya Imbizo ya Bronville.

“Tshebetso e tswelang pele le ba bang ba molao e tla etsahala kgahlanong le barekisi ba dithethefatsi mme baahi ba lokela ho tlaleha batho ba belaetsang, dikoloi, le ba nang le dithunya ho Molaodi wa Seteishene sa Bronville.

Ho feta moo, maponesa a Bronville a netefaditse bohle ba tlalehileng ditlolo tsa molao hore dintlha tsena tse tebileng di tla dula e le lekunutu.