Ditho tsa seponesa sa kopanelo di ile tsa isa ditshebeletso tsa ditlhokomediso ho bareki le baahi ba Thabong, Boitumelo Mall, maobane wa la 28 Mphalane.
Bareki le baahi ba ile ba nehwa dipampiri le mangolo a netefaditsweng, mme bareki ba tsebiswa ka mokgwa wa ho tlaleha diketso tsa botlokotsebe.
Thabong Community Policing Forum le yona e ne e nkile karolo ya morero ona o babatsehang wa ho sebeletsa baahi ba Thabong.
Letsholo la tlhokomeliso le ile la hlophiswa ho sebetsana le ditlōlo tsa molao tse kang, ditlōlo tsa thobalano, tlhekefetso ya malapeng, tlhekefetso ya bong le polao ya basadi, boshodu, thekiso ya mabenkele.
Mokomishinara wa Setereke sa Lejweleputswa, eleng mookamedi ya ka sehloohong, Lerato Molale o supile thabo ya hae ka mosebetsi wa maponesa wa ho sireletsa le ho sebeletsa setjhaba.
“Re tla tswelapele ho isa ditshebeletso tsa rona ho baahi ba Thabong, ho bontsha hore na re tsotella jwang,” ho rialo Molale.
Ho sa le moo, ditho tsa thibelo ya tlōlo ya botlokotsebe ya setjhaba se eteletseng pele ke leponesa Dennis Wangra di thehile letsholo le kopanetsweng la temoso mmoho le lefapha la ditshebeletso tsa tlhabollo le setsi sa tshebeletso ya Setjhaba Bronville.
Warrant Officer Wangra o buile le baahi ka Tlhekefetso ya dipolao tsa basadi, ditlolo tsa molao tsa thobalano, tlhekefetso ya malapeng.
O boetse a kgothaletsa baahi ho tlaleha babelaellwa ba senyang meaho ya rona ho nomorong ya maponesa ya 08600 10111.
Maloko a DCS a ile a bua le batjha hore ba ikwele botlokotsebe le tshebediso e mpe ya dithethefatsi mme ba toboketsa hore batho ba parolang ba tla tswela pele ho bewa leihlo ka thuso ya ditho tsa SAPS tsa Bronville.
Baahi ba boetse ba kgothaleditswe ho ba karolo ya CPF le Sector Forums e le hore baahi ba tle ba hlokomediswe ka mekgwa ya botlokotsebe e Bronville.
Botlokotsebe bo ke ke ba fediswa ke maponesa feela empa baahi le bona ba tlameha ho ba mahlo le ditsebe tsa SAPS ho petetsa sebaka ho fihlela ho lefela bakeng sa ditlokotsebe tsa Bronville.
You may also be interested in:
Baahi ba Odendaalsrus ba kgothaletswa ho tlaleha botlokotsebe ka boshodu ba matlo bo ntseng bo phahama
Seponesa se ela hloko ka botlokotsebe ba marang-rang
‘We urge Thabong residents to report crime, not take matters into their own hands’ – says Thabong SAPS
Thabong Partnership Policing e keteka letsatsi la Nelson Mandela ka ho hlwekisa sekolo sa Mantshebo
Thabong SAPS clamp down two foreigners after found with large quantity of dagga
Ditho tsa Thabong SAPS di otlolla letsoho la ho nehela ho bana ba lahlilweng nakong ya mokete wa ‘Casual Day’
Maponesa a tshwara mmelaelwa ka ho mo fumana ka mekotla ya matekwana Riebeeckstad
