Ditaba Johannes Mokhutle (33), o ile a hlaha ka pele ho Lekgotla la Dinyewe la Bloemfontein ka Labobedi la la 18 Mphalane, moo a ileng a tobana le diqoso tsa bomenemene le boshodu.
Mokhutle o ile a tshwarwa ka Mantaha wa la 17 Mphalane, ke sehlopha sa di-Hawks Serious Corruption Research se neng se le Mangaung, Bloemfontein.
Ho tlalehwa hore ka Tshitwe selemong sa 2019, Mokhutle le Boitumelo Poonyane ba ileng ba tshwarwa selemong se fetileng ka Phato 2021 ba ne ba rerile ho kgelosa tjhelete e fetang R13-milione ho tswa Lefapheng la Mesebetsi ya Setjhaba Bloemfontein ho ya khamphaning e tsejwang ka hore ke Waltons Trading Enterprise CC, leha khamphani e sa fana ka ditshebeletso ho lefapha.
Taba ena e ile ya tlalehelwa ho di-Hawks, eo e ileng ya etsa dipatlisiso.
Nyewe kgahlano le motshwaruwa e kgutliseditswe ho Labobedi la la 4 Pudungwana, mme o ile a lokollwa ka beile ya R3 000.
You may also be interested in:
Molatofatso o a hlolelwa dilemo tse robedi teronkong ka ho utswa
Lekgotla la maseterata le tjhetjhisa kopo ya beile ya monna ya kwetetseng ngwana hae
Moqhekelli ya batlwang haholo-holo Foreistata o tshwerwe ke di-Hawks Gauteng
Lekgotla le tjhetjhisa nyewe ya moqosuwa wa peto
Maponesa a tshwara batho ba belaelwang ka ho utswa koporo Koppies
Babelaelwa ba 4 batlo hlaha lekgotleng ka mora ho utswa lebenkeleng
Duo suspected drug dealers in custody
