Morwetsana ya dilemo di 27 o tshwerwe ka mora hore a hlabe mohlankana wa hae, moo teng ba ileng ba qabana mabapi le melaetsa selefounung ya molekane wa hae.
Hoya ka mmuelli wa seponesa seterekeng sa Fezile Dabi, sajene Josephine Rani, morwetsana enwa ho belaellwa hore o ile a hlaba mohlankana wa hae ka Moqebelo, dihoreng tsa hoseng haholo, mme lehlatsipa la hlokahalla hona bodulong ba bona.
“Ho bolelwa hore baratani ba ne ba le mmoho ha kgarebe e utlwa puisano ya mohala pakeng tsa molekane wa hae le kgarebe e nngwe eo ho tlalehwang hore ke emong wa baratani ba lehlatsipa,” ho rialo Rani.
“Ho ile ha tsoha kgang pakeng tsa bona e ileng ya etsa hore baratani bana, ba qabane. Mmelaelwa o ile a kopana le thipa mme a hlaba mohlankana wa hae sefubeng,” Rani wa hlalosa.
Rani o re maponesa a ile a tsebiswa ka ketsahalo ena ka hona Moqebelo, mme a potlakela lapeng leo.
Ho fihleng ha maponesa, lehlatsipa le dilemo di 30, o ile a fumanwa a tjapalletse fatshe, mme hwa netefatswa hore o hlokahetse.
Morwatsana enwa, o ile atshwara, mme o hlahelletse ka pele ho lekgotla la dinyewe Kroonstad maobane, Lwetse 5, moo teng a tobaneng le qoso ya polao.
You may also be interested in:
Lekgotla le tjhetjhisa nyewe ya moqosuwa wa peto
Babelaellwa ba bane ba tshwerwe ka mora hore seponesa se fumane ditaba tsa boshodu ba kgwebo
Monna ya dilemo di 29 o tshwerwe ka ho rekisa matekwane
Maponesa a ntse a tsoma monna ya bolaileng mosadi wa hae ka sehloho
Body of elderly woman found at Kroonstad with dogs eating the flesh
Monna wa dilemo di 41 o fumana kahlolo ya bophelo bohle teronkong mabapi le peto
Seponesa se batlana le babelaellwa ba amehang polaong ya banyalani