Mohlankana o tshwaretswe ho bolaya mohlankana wa kgarebe ya hae ka lefu la thipa

Koos Joe Marumo (44) o fumanwe a le molato wa ho hlasela ka sepheo sa ho baka dikotsi tse balehisang mmele le polao ka Laboraro, Pherekgong 24, 2024, ka hoo, o ahloletswe dilemo tse mashome a mahlano tjhankaneng, mme ho phatlaladitswe hore haa tshwanela ho ba le sethunya.

Ho nkileng sebaka ke hore, ho bile le mmoka wa boithabiso motseng o itseng Sejake Square pela Bloemfontein ka Lwetse 25, 2023.

Ho utlwahala hore Setokinyana o ne a thulantse banna ka dihlooho e leng se bakileng pherekanyo.

“Ntwa e ile ya qhoma ke bohale ba Koos haa utlwa Tshokolo a batla ho tsamaya le Setokinyana bosiung boo, ke moo a ileng a hlaba Seuntjie Ishmael ka thipa nakong eo a neng a re wa namola,” ho boletse mmueli wa seponesa Mangaung Thabo Covane.

Tsatsi le latelang leo ka di 26, ka hora ya borobong hoseng, Koos o hlabile Tshokolo Johnson (28) a ba a mmolaya e le ha ba tseka ho tsamaya le Setokinyana ho tloha sepetlele nakong eo yena le metswalle e meng ya hae ba neng ba etetse Seuntjie sepetlele.

“Madi a ne a tswa ka tsela etshosang molaleng wa tshokolo moo Koos a mo hlabileng” Covane wa tlaleha.

Nyewe ya hae e ile ya tswela pele lekgotleng la magistrate la dinyewe Bloemfontein.

“Koos o ile a latofatswa ka diqoso tse ding hape pele ho tsena mme o ile a fumanwa a le molato wa qoso
ya peto, e bile o ne a le paroleng ha atla hlaba Tshokolo a ba a mmolaya,” ho boletse Covane.