Lerato Chabangu o senola kamoo a ileng a sebedisa tjhelete bohlaswa ha enele sebapadi

Lerato Chabangu, sebapadi sa mehleng sa Mamelodi Sundowns le Moroka Swallows, o senotse ka moo a sebedisitseng tjhelete ya hae bohlaswa ha e ne entse e le sebapadi sa bolo, mme o boletse ka moo a seng a se na le ha eka ba sente bankeng ya hae.

‘All you need is love’ – ho bolela ‘Seo o se hlokang ke lerato‘, jwalo ka ha a ne a tsejwa lebaleng la bolo, o hlahelletse lenaneong la Mzansi Magic, “I.Blew It” Sontaha se fetileng, moo a ileng a senola boemo ba hae ba ditjhelete.

Ka ha Sesotho setjho se re ‘Mejo ha e rutanwe, ho rutanwa ditlhare’. Mathata a morao-rao a Chabangu a tobaneng le ona a makaditse balatedi ba hae haholo.

Chabangu ya hlahetseng Tembisa, Gauteng o na tsebahala ele sebapadi se hlaselang e ne e le se tlwaelehileng ha ntse a le ho Sundowns, mme ore tjhelete a neng a e fumana one a hlokomela lelapa la ha habo.

Lekgetlong la hae la “I Blew It”, lelapa la Chabangu le hlalositse kamoo a neng a lokile ka teng mme s hlokomela lelapa la hae.

O ile a rekela mme wa hae ntlo ya dikamore tse nne Kempton Park, Gauteng.

Moena Chabangu o boletse hore naledi ya mehleng ya Bafana Bafana one a phomola ka seno ka mora kwetliso.

“All you need is love” le e ena o sebedisitse tjhelete e ngata dikoloing, a ithekela VW Golf 5 ka mora letsatsi la hae la tswalo la 21st, a reka Audi S3, dilemo tse mmalwa hamorao, a rekela le lelapa la hae Kombi, e ileng ya fetoha bese ya mekete.

“Ke ne ke le mohlankana ya nang le di-noto tse ngata haholo akhaonteng yaka ya banka, ne ketswa le metswalle re nwa haholo.

“Motsotso o mong re kene Soweto, ntho e latelang eo re e kganna ho ya Pretoria. Ka mora nako renke leeto le yang Durban, ebe Bloemfontein, re ne re tla fihla moo re tlo keteka le banana,” ho senotse Chabangu.

“Ke ne ke na le tjhelete e ngata, ke ne ke tjhesa lesoba ka pokothong yaka. Di-noto di ne di le ngata, ka nka qeto ya ho senya,” Chabangu a eketsa.

Chabangu o hlalositse ka moo a neng a kgona ho senya R30 000 ka letsatsi, mme ho tloha moo oile a senya tjhelete ya hae kaofela eo a e sebedisitseng ho reka dikoloi tse majabajaba.

Ha jwale, Chabangu ha a sa na letho, ha a sa bapalla sehlopha se tummeng bolong ya maoto.