Baahi ba Free State ba lemoswa ka leqhubu le ntseng le tswela pele la motjheso

Lefapha la Ditshebeletso tsa Boemo ba Lehodimo la Aforika Borwa (SAWS), le hlokomedisitse baahi ka leqhubu le ntseng le tswela pele la motjheso o qadileng bekeng e fetileng Foreisetata, le dikarolong tse ding tsa naha.

SAWS e fane ka temoso ka Sontaha ya motjheso o phahameng o nyolohang ka dikgato tse 34 ho tloha kajeno.

Mafelong a beke, motjheso o ile wa nyolohela ho dikgato tse 40 dikarolong tse ka leboa tsa naha.

SAWS e re leqhubu la motjheso le lebelletswe ho tswela pele ho fihlela hosane ka Labobedi, leha ho le jwalo, dikgato di kanna di a mpefala mafelong a beke.

Setsebi sa boemo ba lehodimo, Celeste Fourie, o itse ha ho a lekana ho fihla moeding wa motjheso wa motjheso.

Fourie o lemositse baahi ho fumana mekgwa ya ho dula ba phodile bekeng ena e tlang.

“Batho ba tlameha ho dula ba nwa metsi kgafetsa, mme ba dule morithing nakong ya motjheso wa letsatsi, ka ha ho tlo tjhesa haholo matsatsing ana. Haeba ho a kgoneha, leka ho sebetsa tlasa morithi,” ho lemosa Fourie.