Kgaolo ya motlakase etlo tswela pele ho fihlela Sontaha, ho rialo Eskom

Tshebediso ya motlakase ya mmuso, Eskom, e boetse e boletse hore ho tima ha motlakase ho tlo tswela pele ho fihlela ka Sontaha.

“Morwalo o tiisitswe ho fihlela Moqebelo. Mafelong a beke, Eskom e tla buisana ho netefatsa tebello ya beke e tlang,” Eskom e hlalositse phatlalatsong ya ditaba.

Ofisiri e kgolo ya Eskom e re e ntse e le tlasa kgatello e kgolo.

Ha jwale naha e tlasa mokgahlelo wa pele wa kgallo ya motlakase.

Mookamedi wa tsamaiso ya puso, Andre De Ruyter, o itse ho na kganya lefapheng la phepelo ya motlakase, empa a lemosa hore marang-rang a naha a ntse a le tlasa kgatello e kgolo.

Ho sa le jwalo, ha naha e ntse e tswela pele ho ba le bothata ba kgaello ya motlakase, mokgatlo wa basebetsi wa Solidarity o re, o tla hulela Eskom lekgotleng haeba tlhahiso ya yona e ntjha ya ditefiso e amohelwa.

Tlhahiso ena e ntjha e tsosang kgang e ke ke ya bona feela ditefiso tsa basebedisi ba mekgatlo e ikemetseng di nyoloha ka dipakeng tsa R200 le R600, empa hape e tla bona basebedisi ba solar ya marang-rang ba lefiswa R938 ka kgwedi bapiswa le R218 eo ba e lefang ha jwale.

Solidarity e hlalositse kopo ya morao-rao ya parastatal e rometsweng ho National Energy Regulator of South Africa (NERSA) e le e sa utlwahaleng, le e seng molaong.’

“Ke ntho e le nngwe haeba Eskom e sa batle ho kenya letsoho ho rarolla bothata ba motlakase wa Afrika Borwa,” ho rialo Solidarity.

“Leha ho le jwalo, ka ho etsa ditlhahiso tse kang tsena, Eskom e ntse e fetoha hoba sera sa phepelo ya motlakase,” Solidarity ya tlaleha.