‘Ba2cada, ke mang oo?’ Sizwe Dhlomo o latola bosehla hore o tseba Ba2cada

Rakgwebo ebile e le sebohodi se tummeng sa Kaya FM, Sizwe Dhlomo o re ha a tsebe na Ba2cada ke
mang.

Sena se tla ka mora hore e mong wa balatedi ba hae leqepheng la X( e neng e tsejwa ka hore ke Twitter)
a mo botse hore na e ka ba se entsweng ke Ba2cada ka ho pepesa mokgolo wa hae ho Podcastwithmacg
haese phoso na.

Dhlomo o arabile ka hore ka nnete yena ha a tsebe na ke mang eo. Mme o ile a seollwa haholo ke balatedi ba hae ho X, ka hore Ba2cada ke motho ya tummeng haholo hore a kare ha a mo tsebe.

Ba2cada eo lebitso la hae e leng Nyakallo Leine ke sebohodi sa Lesedi FM. Mme ke e mong wa dibohodi
tse ipabotseng ka ho fetisisa kgasong ya seyalemoya.

O kile a hapa kgau ya ‘Viewers choice award for favourate radio personality’ kgahlano le mabitso a maholo haholo sedikadikweng sa kgaso ya seyalemoya.

Leine o boletse ha Lesedi FM le mo patala R180 000 ka kgwedi maobane ho Podcastwithmacg.

Ka mora ho seollwa haholo Dhlomo o ile a kopa tshwarelo ho Ba2cada.

Anyway, shoutout @cadamgaga! I didn’t mean to disrespect you bro. I’m sure you’re a great guy. Apparently you once booked me for a gig at Macufe & we even spoke. Harde bro. Alikho elibi. 🙏🏽

— Sizwe Dhlomo (@SizweDhlomo) April 16, 2024

“Le ha ho le jwalo, ke ya o thoholetsa @cadamgaga. Ne ke sa ikemisetsa ho o nyatsa, ke na le bonnete
ba hore o motho ya lokileng. Ke hopola e ka o kile wa nhira ho Macufe ka selemo se seng mme ra ba ra
qoqa hanyane. Ke kopa tshwarelo. Ne ke sa etse hampe,” Dhlomo o ngotse leqepheng la hae la X,
@SizweDhlomo.