Letona le abela bajalefa matlo Foreisetata

Letona la tsa bodulo e leng Mmamoloko Kubayi, ha mmoho le motlatsi wa hae Pamela Tshwete, mopirimiri wa Foreisetata Mxolisi Dukwana le MEC ya COGTA Ketso Makume ba abetse setjhaba matlo a sa tswa ho hauwa, ditsha le mangolo a tittle deed ho bajalefa ka la 16 Mmesa 2024, mane Parys le Deneysville mmasepaleng wa setereke sa Fezile Dabi.

Ketsahalong ena hone ho ena le motsamaisi wa phethahatso wa Fezile Dabi, Dennis Khasudi, wa mmasepala wa lehae wa Metsimaholo, Jack Malindi le wa mmasepala wa lehae wa Ngwathe, De Beer.

Ho tlowa 1994, matlo a di milione a ile a abelwa bajalefa ba tshwanelehang, e le ho aha setjhaba se betere.

Morero ona wa matlo wa Deneysville moo matlo a tla nehelwa ho bajalefa o lebelletswe ho fana ka matlo a fetang 2614 hang fela ha aqeta ho ahwa.

Leetong lena ho bile le pitso setjhabeng mo di’tittle deed tse lekgolo di ileng tsa nehelwa ho bajalefa ba matlo a BNG.

Sena ke karolo ya lenaneo la tsosoloso ya di tittle deed di ileng ya thakgolwa ka Letswe 2023.