Tumelo Walter Koaleli ya tsebahalang haholo ka lebitso la hae la sethaleng la Roostah, ke sebini se hlwahlwa sa mmino wa Hip Hop se ikotlang sefuba ka ho bina ka puo ya Sesotho.
Roostah o holetse motseng wa Thabong, Qwaqwa. O qadile ho bina a sa le monyenyane haholo dilemong mme o ntshitse mixtape ya hae ya pele ha a le dilemo tse 19 e bitswang ‘Fresh Roots‘.
O se a ile a bina Macufe ka selemo sa 2016 mme ka morao ho moo o sebeditse le Kalawa Jazzmee ho etsa pina e hlahisitsweng ke Drum Pope.
O sebeditse le sebini se tsebahalang haholo, e leng Ntate Stunna le Afro Toniq ho 1st Annual Maluti Hip Hop Show le dikgwebo tse kang Reahilwe ho etsa dipapatso le dikgothatso.
Ka selemo sa 2018 o ile a ntsha mixtape wa hae wa bobedi o ileng wa rekwa haholo o nang le pina e bitswang “Shapa” e ratilweng haholo ya ba ya hlola ele pina ya selemo ho Buddies 4 life Agency Annual Awards, mme o ile a thola kgau ya Artist of the Year ho SAAYC FS Awards.
Rooster o bolelletse Kasi Voice News hore o hloka ho ba le talente, boqapi le bokgabi hore o etse mmino o monate o thabisang le ho kgothatsa batho. “Indastiri ya mmino e kgolo haholo o ka fumana sebaka sa hao se kgethehileng jwalo ka sebine”, ho bolela Roostah.
O tswella pele ka hore o kgothatswa ke hore o batla ho phela bophelo bo betere, le ho etsetsa moradi wa hae Rethabile lefa le ho fetola bophelo ba lapa labo.
Moeletsi wa hae e bile Brain Themba ya tsebahalang ka Ranthomeng ya neng a bapala Muvhango ho SABC 2.
Roostah o rata ho iphumana e le e mong wa dibine tse tsebahalang haholo lefatshe ka bophara mmino ona wa hip hop.
Rooster o a fumaneha bakeng sa dimemo tsa mekete e fapaneng.
Bohle ba ratang ho tshehetsa mosebetsi wa Roostah ba ka letsetsa ho :073 822 2658.
Facebook:Roostah Reflects
Twitter:@roostah_tumelo
Instagram:roostah_reflects
You may also be interested in:
Tshwala BAM ya thakgoha ho US Billboard Afrobeats Chart
Thato Makhubele ya hlahetseng Welkom o phehla sefuba ka kgōdiso ya hae le mosebetsi wa hae wa botshwantshisi
Di-Hawks di hlasela lefapha la bonono le setso la Foreistata mabapi le thendara e seng molaong ya Macufe Festival
Tshebedisano ya Fumba Town le Sauti za Busara e kopanya dikete-kete tsa ba tjhesehang le dibapadi ho tswa Afrika ka bophara
Bakganni ba dikoloi Foreistata ba kgothaletswa ho lata dilaesense ka potlako
Moqhekelli ya batlwang haholo-holo Foreistata o tshwerwe ke di-Hawks Gauteng
Lefapha la bophelo Foreistata letlo theha merero ya ho phahamisa boemo ba dipetlele tse putlameng
