Sepolesa sa Welkom se hlokomedisa baahi ka botlokotsebe bo jeleng setsi

Sepolesa sa Welkom se kopanya  matshoho le mafapha a fapaneng ho tswa letsholo la ho hlokomedisa  baahi ba  Rheederpark ka botlokotsebe bo jeleng setsi.

Ho ya ka mmuelli wa sepolesa sa Lejweleputsa Stephen Thakeng, mokete  ona o ne o le ka  27 Hlakubele 2024 ka hora ya leshome hoseng kerekeng ya Holy Gost Fire Church Rheederspark, Welkom, mme lenanetsamiso le ne le tsamaiswa ke ntate Kgotso Matsinyane.

Sepolesa se ne se sebedisana mmoho le lefapha la kgalemelo,lefapha la tsa tswelopele ya setjhaba, lefapha la dipalangwang, ba bongaka ba boemo ba tshwahanyetso, Masepala wa Lejweleputswa, Ambasedara ya GBV, Motale Regeneration, Ministry of Fraternal, Safer South Africa foundation le ba bang.

Kapotene Kanalemang Mphatsoe o ile a bolella  baahi hore ba ka tlaleha botlokotsebe jwang, haholo tlhekefetso ya ka malapeng mme o ile a fana ka mabitso a mafapha a fapaneng a teng ka hare ho sepolesa sa Welkom le hore ho na le mapaterolara a patorolang ho netefatsa hore baahi ba ikutlwa ba bolokehile.

Kapotene Thembi Motlomelo  o buile ka diphaposi tsa mahlasipa tseo ho nkelwang ditlaleho ho tsona , le ka ho tlaleha mapolesa a sa itshwarang ka tsela e sa tshwanelang mosebetsing hore  baka tlalewa ho Porekatiri Disebo Cezule e bang bas a fumana thusa ho tswa ho  Mokomishinara .

Kapotene Mmami Dlamini o kgothaleditse baahi hore ba leke ho tshehetsa sepolesa le bathusi ba sona hape ba iponahatse dikopanong hore batle ba tsebe ka botlokotsebe boipetsang pele mehleng ena.

Batho ba lokolotsweng ditjhankaneng ka  parola ba dibaka tse haufi tsa Rheedepark,Welkom  ba ile ba etelwa mme bona bahlahisitse maikutlo a bona ka hore setjhaba ha sa ba tshware hantle ha ba fihla hae ba etswa ditjhankaneng sena se baka hore ba qetelle ba  lwantshwana le sena ebe ba kgutlela  tjhankaneng.  Lefapha la kgalemelo le kopa hore batho ba tswang ditjhankaneng ba fuwe monyetla wa bobedi  hobane ba fumane tlhaboloho.

Bohle ba  amehang ba ile ba fana ka puo ho setjhaba, mokete o ile wa fela hantle.