Monna ya dilemo di 25 otlo hlaha kgotla kajeno ka boshodu ba mehlape

Setjhaba sa dihwai sa Senekal, Ventersburg, le Hennenman se ile sa fumana lesedinyana hore diphoofolo tse ruilweng tsa bona di ile tsa utsuwa.

Hoo e ka bang ka 15:45 ka Labohlano la 9 Tshitwe, dikgomo tse supileng tsa mefuta-futa tse tswakaneng tsa boleng ba R105 000 di ile tsa tlalehwa di utswitswe motseng wa Hennenman.

Ho ile ha qadiswa dipatlisiso mabapi le boshodu boo.

Hoya ka mmuelli wa seponesa seterekeng sa Lejweleputswa Stephen Thakeng, “Ho ile ha etswa dipatlisiso tsa pele tse ileng tsa lebisa ho tshwarweng ha monna ya dilemo di 25 eleng mmelaellwa e motona.

“Leruo le utswitsweng le ile la tshwarwa mme la kgutlisetswa ho monga lona,” ho rialo Thakeng.

“Mmelaellwa o tobane le qoso ya ho ba na le thepa eseng ya hae mme o tlo hlaha Lekgotleng la Maseterata la Ventersburg kajeno pakeng ya qoso ya boshodu le bomenemene,” ho boletse Thakeng

Mokomishinara wa setereke wa Lejweleputswa, mokgenerale Lerato Molale, o rorisitse maponesa haholo-holo mokaptene Odendaal bakeng sa ho bonahala haholoanyane le ho ntlafatsa ponahalo ya maponesa, e leng se entseng hore ho ho tshwarwa le ho nkela mehlape e utswitsweng.