Monna o kgakgatha morwetsana ka selepe hofihlela a nehela moya

Ka la 16 Hlakubele 2024, morwetsana o ile a kgakgathwa ka selepe hloohong mane Stilte Park, Meloding ho ella horeng ya bone mantsibuya.

Ho fihleng ha mapolesa a Meloding ba ile ba fumana setopo sa morwetsana enwa ka hara letamo la madi se kwahetsweng ka kobo.

“Ba ditshebeletso tsa tshohanyetso ba ile ba paka hore e fela morwetsana enwa ya dilemo di 11 e leng Nthabiseng Motsoaosile ose a hlokahetse. Hone ho ena le ditho tse mmalwa tsa setjhaba mme ho ile ha buisanwa le ntata mofu ya ileng a netefatsa hore e fela mofu ke moradi wa hae,” ho boletse mmuelli wa sepolesa sa Lejweleputswa Stephen Thakeng.

Thakeng ha a tswella pele are baahi ba ile ba latela mmelaellwa moo aneng a ipatile teng mme ba mmolaya leena.

Ho netefaditswe hore mofu o hlokahaletse hona moo sebakeng sa ketsahalo.

Baahi ba lemoswa ka thata hose inkele molao matshong, feela baka isa babelaellwa sepoleseng e le hore ho etswe dipatlisiso tse felletseng.

Ho ntse ho foputswa dinyewe tsa polao tse pedi.

Mapolesa a ntse a batlana le babelaellwa ba bolaileng mmelaellwa mme mang kapa mang ya kabang le tsebo aka letsetsa nomorong ya Crime stop e latelang 08600 10111 kapa MySAPS App ntle le ho itsibisa.