Mmelaellwa wa dilemo di 22 o tshwerwe ka sethunya se seng molaong

Seponesa sa Bloemfontein sa taelo ya setjhaba ha mmoho le sa Dealesville, se ile sa fumana ditaba tsa motho ya nang le sethunya hane bale tshebetsong ka Labohlano, wa la 19 Phato.

Mmuelli wa seponesa seterekeng sa Lejweleputswa, mokapotene Stephen Thakeng, o boletse hore seponesa se ile sa etela ntlo e boletsweng mme ba fumana tumello ya ho batlisisa ka hare.

Leponesa Refilwe Ntowane wa seponesa sa Dealesville, o ile a bona ha mmelaellwa a lahlela sephuthelwana ka hara sekoti se tsamaisang metsi mme a ya holo sheba.

Mmelaellwa o ile a qobellwa hoya sekoting sena le maponesa ho lo ntsha se ka hare sa seputhelwana.

“Ka hara polasetiki e ntsho ya mmelaellwa e ne e le sethunya mme mmelaellwa enwa a tshwarwa mabapi le hoba le sthunya se seng molaong,” ho tsebisa Thakeng.

Mokomishinara wa setereke sa Lejweleputswa, molaodi ya ka sehlohong Lerato Molale, o rorisitse maponesa a tshwereng mmelaellwa.