Letsoho la molao le lelelele: Disebo Mosupa

Mmelaelwa wa bobedi ya dilemo di 42 o lletswe ke ditshepe maobane, Sontaha sa la 21 Phupu 2024.

Mmelaelwa o tshwerwe ke sepolesa mantsibuya horeng ya botshelela (18:00), Mangaung, Phase 4 , mabapi le polao ya Disebo Mosupa eo ho ileng hwa fumanwa setopo sa hae mabitleng a Phumulani Welkom.

Bala haholonyana: Family of Portia Mosupa finds closure after body exhumed in another pre-existing grave

Mosupa a qetetsweng ho bonwa ka la 12 Phupu 2024, o ile a tlalehwa a nyametse ka la 15 Phupu sepoleseng mme setopo sa hae sa tholwa mabitleng se tsetetswe ka hara lebitla le sebeditseng ka la 19 Phupu.

Mme hona tsatsing leo hwa tshwara mmelaelwa wa pele ya dilemo di 37.

“Ka mora ho kopa setjhaba ho thusa ka lesedi mabapi le mmelaelwa wa bobedi eo ho dumelwang hore o kentse letsoho ho nyameleng le polaong ya Mosupa, setjhaba se bapetse karolo ya bohlokwa eo e leng yona e lebisitseng ho tshwarweng ha monna enwa.

Bloemfontein Tactical Response Team and Magaung Dtectives ba ile ba leba ntlong e nngwe Phase 4, Bloemfontein moo teng mmelaelwa enwa a ileng a tshwarwa, ho boletse mokomishenara wa porofense wa sepolesa sa Foreistata Baile Motswenyane.

Motswenyane o tswetse pele ka hore, babelaellwa ka bobedi ba tla hlahella ka pela lekgotla la dinyewe la Welkom tsatsing lena le hodimo.