Mabeta o kena a sa tswa kena tjhankaneng

Monna ya dilemo di 29 ya ntseng a tsamaya nyewe ya peto ale ka ntle o kgutletse ntlwanatshwana ka mora ho pheta ketso ena e nyarosang mmele.

O lletswe ke ditshepe lekgetlo la bobedi ka qoso ya peto e nkileng sebaka ka la 6 Mmesa 2024.

Welkom Public Order Policing, e eteletsweng pele ke Warrant Officer Thabo Booy, ba ile ba sala morao tshedimoso ka mmelaellwa enwa ya keneng mokhukhung wa lehlasipa lena le dilemo di 32; le dulang le le leng ka mahahapa mane Phokeng Village mme a mobeta.

“Ka labobedi la di 9 Mmesa, horeng ya bobedi, monna enwa ya dilemo di 32 o ile atshwarwa. Mmelaellwa enwa one a iphile naha, ho utlwahala hore one ale mane thotobolong hara motsheare mme bosiu a ikentse thube ha ena tsatsa. Ditho tsa sepolesa di ile tsa moqhautsa ho engwe ya matlo mo bashanyana ba etsang manyampetla teng,” ho boletse mmuelli wa Sepolesa sa Lejweleputswa Stephen Thakeng.

Sepolesa se ile sa sebedisa mahlale a sona, sa siya koloi ya sona e metsero qelele, mme sa atomela ka mokgwa o bohlale moo mmelaellwa a ipatileng teng ka maoto.

Thakeng o qetella taba ena ka hore, mmelaellwa o ne a tshwana hantle le kamoo a booletsweng ka teng, o ne a ena le “tattoo” ya robong phatleng. Lengolo la ho tshwarwa le ile la ntshwa kaha o ne atswile ditlamong ka beile pejana.

Mmelaellwa o tla hlahella ka pela lekgotla la mmaseterata la di nyewe Welkom ka la 11 Mmesa 2024.