Steward Marias (36) o ahloletswe dilemo tse 20 tjhankaneng bakeng sa peto ya ngwanana ya dilemo di 11

Monna ya qositsweng ka peto le ho baleha tlhokomelo e molaong o ahloletse hoya hlola dilemo tse 20 tjhankaneng ka Mantaha, kala 19 Phupjane.

Hoya ka mmuelli wa seponesa seterekeng sa Lejweleputswa, mokapteni Stephen Thakeng, kala pedi Pjupu selemo se sefitileng, ngwanana ya dilemo di 11 o ile a tshwarwa ke monna wa moAfrika a ileng a mo hulela sebakeng se ka thoko sehlahleng ka matla.

“Ngwanana enwa e nele e mong wa ba bararo baneng ba ronngwe hoya rwalla patsi naheng,” ho tsebisa Thakeng.

Banana ba bang ba babeddi ba ile ba mathela lapeng ho lo bolela ka se etsahetseng, mme tlaleho ya hatitswa seponeseng sa Boshof.

Mmelaellwa o fumanwe mme a tshwarwa atereseng ya hae ya bodulo ke sajene Nomfazo Devos wa seponesa sa VISPOL sa Boshof.

Mantaha kala 25 Phupu 2023, mmelaellwa o ile a hlha ka pela lekgotla la dinyenwe mme a baleha bodulong ba molao, empa a tshwarwa letsatsing leo a ipatile ntlong e nngwe ya e pela ntlo ya lekgotla.

Marias ya dilemo di 36 o ile a fumana qoso e nngwe ya ho baleha bodulong ba molao mme a hlaha ka pela makgotla a dinyewe a Bloemfontein ka Mantaha, kala 19 Phupjane.

“Monna ya qosuweng o tla hlola dilemo tse 20 tjhankaneng bakeng sa peto le ho baleha bodulong ba molao hoya ka makgotlaa a dinyewe a Bloemfontein.

Khomishenara ya setereke sa Lejwelepuswa ya nakwana, brigadier Mzondi Mojafi, o theoleditse leponesa le neng le etsa dipatlisiso, lefokisi Lerato Mokupi wa sehlopha sa Pefo ya Malapa, Tshireletso ya Bana le Tlolo tsa Thobalano seponeseng sa Bultfontein.