Mmelaellwa wa peto ya mosadi ya dilemo di 25 o batluwa ke seponesa sa Welkom

Mosadi ya dilemo di 25 ya dulang Thabong o tlaleha ha a betuwe Moqebelo mantsibuya, kala 05 Phato. Seponesa sa Welkom se batlana le mmelaellwa.

Hoya ka mmuelli wa seponesa seterekeng sa Lejweleputswa, mokapteni Stephen Thakeng, mosadi enwa o ne a le sebakeng sa boithabiso se tsebahalang ka seterateng sa Kort, ka hara teropo ya Welkom.

“Mosadi enwa o ile a kopana le monna wa moAfrika a ileng a mo botsa hore oya kae, mme ba tsamaya mmoho,” ho bolela Thakeng.

Bobeding ba bona, ba ile ba feta sebaka sa ho paka sa mabenkele seka tlasa lefatshe. Mosadi o tlaleha ha monna eo a mo qobelletse sebakeng seo mme a mo beta.

“Ka mora ketsahalo ena, mosadi enwa o ile a kgona ho baleha mme a tlaleha ketsahalo ena seponeseng sa Welkom,” ho tsebisa Thakeng.

Nyewe ya peto e butswe ho tla etsa dipatlisiso.

Mmelaellwa a kaba 1,7m ka botelele, o mosweu ka mmala ebile o na le moriri hara hloho. Ho feta moo, mmelaellwa o ne a apere baki e bolou, sikipa se sesweu ka borikgwe bo botsho

“Mang kapa mang ya kabang le ditaba tse ka thusang ho fumana mmelaellwa enwa o koptjwa ho letsetsa lefokisi sajene Lehlohonolo Fonya wa sehlopha sa Tlhekefetso ya Malapa, Tshireletso ya Bana le Ditlolo tsa Molao tsa Thobalano seponeseng sa Welkom. Ho seng moo, motho a ka founela nomoro ya seponesa ya ho thibela botlokotsebe eleng 0860010111.” Thakeng wa qetella.