Mmelaellwa ya dilemo di 18 o tshwerwe mabapi le peto ya ngwana ya dilemo di tharo!

Seponesa sa Kroonstad se tshwere mmelaellwa ka mora ho tholwa a ntsa beta ngwana ya dimelmo di tharo. Mohlanka ya dilemo di 18 o tla emela nyewe ya ha e bodulong ba seponesa.

Hoya ka mmuelli wa seponesa sekerekeng sa Fezile Dabi, sajene Josephine Rani, seponesa sa Kroonstad se fumane tletlebo ya peto seteisheneng sa peterole sa Engen, pela bodulo ba Marabanstad, Kroonstad, ka Labobedi, kala 08 Phato.

“Seponesa se ile sa etela sebaka seo ka potlako. Ho fihleng ha bona, maponesa a ile a fumana sehlopha sa batho se hlasela monna ya neng a tsotse,” ho bolela Rani.

Hona sebakeng seo, batjha ba babedi ba ile baya maponeseng mme ba bolela ka mo dintho di etsahetseng ka teng.

Ka moo ho bonahaalng ka teng, bobeding ba bona, batjha bana bane ba kapa patsi holo etsa mollo ha batla utlwa ngwana a hweletsang ebile a lla. Ka bohelehele, ba ile balo sheba ka hara peipi ya metsi moo seboko se neng se hlaha teng mme ba bona mmelaellwa a ntse a beta ngwana a monyane.

Ka mora moo ba ile ba bitsa sechaba hotla thusa mme ba bitsa le seponesa.

“Mmelaellwa o tshwerwe hang hang mme ngwanana ya dilemo di tharo a iswa sepetleleng sa Boitumelo ho tla etsa diteko,” Rani wa tsebisa.

Mohlnka ya dilemo di 18 o hlahile ka pela makgotla a dinewe a Kroonstad Labone, kala 10 Phato. Nyewe kgahlanong le mmelaellwa tjhetjhisitswe ho fihla beke etlang Labone, kala 17 Phato ho tla etsa kopo ya beile.