Babelaelwa ba supileng ba tjamelaneng le diqoso tsa bobodu ba tlo hlaha pela lekgotla la dinyewe

Babelaelwa ba supileng ba dilemo tse dipakeng tsa 31 le 81, ba lebelletswe ho hlaha ka pela lekgotla la Mmaseterata la Bloemfontein hosane, 21 Phupu moo teng ba tla tobana le diqoso tsa bomenemene, bobodu le boshodu ba tjhelete.

Hoya ka mmuelli wa di Hawks porofenseng ya Free State, Christopher Singo, ho tlaleha hore ka 2017, diofisiri tse tharo tsa Lefapha la Mesebetsi ya Setjhaba Free State le batsamaisi ba dikgwebo ba babedi ba ile ba qhekella Lefapha ka ho fana ka ditokomane tse nang le tjhelete e ngata le ya bomenemene.

Ka lebaka la diketso tsa bomenemene, Lefapha la Mesebetsi ya Setjhaba le ile la ba le leeme mme la ba le tahlehelo ya tjhelete e fetang R3 milione.

“Taba ena e ile ya tlalehelwa sehlopheng sa di Hawks sa Serious Corruption Investigation, bakeng sa dipatlisiso tseding,” ho bolela Singo.

Monna otshwerwe ka polao ya leponesa

Sehlopha sa di Hawks sa Serious Organised Investigation se Bloemfontein, se ipiletsa ho setjhaba ho thusa le ho fumana Keke Ndibe ya ka bulang dipatlisiso mabapi le boshodu le polao ya ofisiri ya seponesa, ho rialo Singo.

Ho latela Singo Ka Labobedi, la 10 Motsheanong, boshodu ba dikgwebo tse pedi bo etsahetse Wepener hoo e ka bang ka 19:00.

“Maloko a SAPS Wepener a ile a arabela tletlebo ya boshodu bo hlometseng,” ho tlaleha Singo.

“Ho ile ha qhoma merusu ha babelaelwa ba qala ho thunya maponesa. Setho se seng sa SAPS se ile sa tswa dikotsi tse mpe, mme sa shwella sebakeng seo ha ofisiri e nngwe e lemetse. Babelaellwa ba bahlano ba se ba tshwerwe,” ho eketsa Singo.

Mang kapa mang ya nang le lesedi le ka thusang seponesa ho fumana Ndibe jwalo ka ha a hlalositswe setshwantshong se kgomaretsweng, a ka ikopanya le kolonel, Babane Skota ho 079 509 4998.

“Tlhahisoleseding efe kapa efe e amohetsweng e tla sebetswa ka lekunutu le tiileng,” ho tlaleha Singo.