Banna ba babedi ba kgannanng diteraka, ba bararo ba lokisang makoloi le a le mong a kgannang teraka e epang ba ile ba llelwa ke ditshepe ka la 20 Phupjane 2024, ka mora ho tholwa ba ena le mekotla e 26 e nang le disampole tsa kgauta e fumanweng ka hara bakkie e tshweu.
“Mookamedi wa lefapha la mehlodi wa dimenerale mmoho le ditho tsa Public Order Policing and Tactical Response Team ba ile ba latela kapa hona ho sala morao tlhahiso leseding e lebisitseng ho tshwarweng ha banna ba boletsweng.
Bakganni le ba lokisang makoloi ba ile ba tholwa polasing ya Vaalbank, ba ile ba koptjwa ho fana ka ditokomane tsa semolao tsa ho rafa sebakeng seo mme ba ile ba hloleha hoka etsa jwalo, seo se ile sa tekwa ele tlolo ya molao,”ho boletse mmuelli wa sepolesa sa Lejweleputswa Stephen Thakeng.
Thakeng o tswella pele ka hore, hona polasing eo modisana ya dilemo di 68 o ile a llelwa ke ditshepe ka mora ho tholwa a ena le disebediswa tse tjhekang kgauta.
Babelaellwa ba hlahelletse ka pela lekgotla la dinyewe la Welkom tsatsing lena le hodimo.
You may also be interested in:
‘Sejana se setle ha se jelle’: Thato Tumahole
Monna o llelwa ke di tshepe a le mosebetsing
Monna ya dilemo di 42 wa Welkom o tshwerwe ka thepa ya kgauta e boleng ba R68k
Setopo sa monga polasi ya Boshof se fumanwe se tshwerwe sethunya letsohong
Setjhaba sa Jagersfontein se batla dikarabo ho morafo
Mosebenzi Zwane o etsa kopo ya beile ka mora ho tshwarwa nyeweng ya polasi ya lebese e amanang le lelapa la Gupta
Commonwealth Games | Afrikwa Borwa e tswa boemong ba borobong, ka dikgau tse supileng tsa kgauta