Moahi wa Pakistan ya Afrika Borwa, o a hloletswe dilemo tse 18 teronkong ka diphasepoto tsa bomenemene

Moahi wa Pakistan ya dulang mona Afrika Borwa, o tlo hlola dilemo tse 18 teronkong ka mora hore a fumanwe ka diphasepoto tsa bomenemene.

Arfan Ahmed, moahi wa Pakistan, o ile a fumanwa a le molato wa ho ntsha tjotjo bo boleng ba R45 000 ofising ya Merero ya Lehae ya Krugersdorp, profenseng ya Gauteng.

Ahmed o ile a tshwarwa ke lefapha la di-Hawks le mong sa 2022 ka Hlakubele e le karolo ya letsholo la maponesa, e neng e akaretsa mapolesa a naha le Ditsibi tse hlwahlwa tse lwansthang botlokotsebe ba sepolesa.

“Ka mora hore a tshwarwe, ntlo ya hae e ile ya phenyekollwa, moo ho ileng ha fumanwa diphasepoto tse ngata tseo ho neng ho sa lokela hore di be teng. Ka tlolo ena, o ahlolelwa dilemo tse robedi. E le morena wa phapanyetsano ya difoto tsa diphasepoto, Lekgotla la Setereke la Krugersdorp le sa tswa mo ahlolela dilemo tse ding tse 10 teronkong,” ho rialo ofisi ya lefapha la tsa Merero ya Lehae.

“Ka hona, o sebeletsa Ahmed o ahloletswe dilemo tse 18 ka lebaka la ho kenya letsoho mesebetsing yohle ya bomenemene,” ho rialo lefapha.

Ho ya ka lefapha, ketso ena ya diphasepoto tsa bomenemene di nyenyefatsa molao wa Afrika Borwa ka ho fumana diphasepoto tsa Afrika Borwa bakeng sa matswalloa a Pakistan a sa dumellweng ke molao ho ba le tsona.

Lefapha la Merero ya Lehae le netefaditse hore bahlanka ba 12 ba thusitseng morero wa hae ba se ba lelekilwe ho latela ho phethelwa ha ditshebetso tsa bona tsa kgalemo.

Letona le lefapha, Aaron Motsoaledi o amohetse kahlolo ya dilemo tse 18 ho moahi wa Pakistan ya qoswang ka ditlolo tsa molao tse amanang le diphasepoto tse seng molaong.

“Re amohela ho ahlolwa ha motho enwa ya etsang bomenemene ka diphasepoto. Sena ke sesupo sa hore boitlamo ba rona bo sa sisinyeheng ba ho fothola bomenemene, bobodu le mefuta yohle ya ditlolo tsa molao tse swabisang naheng ya rona,” ho rialo Motsoaledi.

Ka lebaka leo, o kgothaleditse baahi ho potlakela ho tlaleha ditlolo tsa molao tse jwalo sepoleseng se haufi le bona kapa ofisiri ya Lekala la Lehae.

Ho tlaleha bobodu bo amanang le Merero ya Lehae, letsetsa 0800 701 701 kapa romela imeile ho: report.corruption@dha.gov.za.