Ditekete tsa makgaolakgang a Mohope wa Nedbank Cup pakeng tsa Sundowns le Pirates di ya rekiswa

Liki e kahodimo-dimo ya Afrika Borwa, Premier Soccer League, tiisitse hore ditekete tsa ho tsa Mohope wa Nedbank Cup pakeng tsa Mamelodi Sundowns le Orlando Pirates di se di qadile ho rekiswa.

Ditekete tsa papadi e lebelletsweng ka mahlo a makgubedi ya ho qetela ya Mohope wa Nedbank dipakeng tsa Mamelodi Sundowns le Orlando Pirates lebaleng la Mbombela Porofenseng ya Mpumalanga di rekiswa ka R100.

Sundowns le Pirates ka bobedi ba kena makgaolakgeng ana ba batla ho phethela papadi ea lapeng habedi, kaha Sundowns e se e hapile DStv Premiership ka dipapali tse tsheletseng tse saletseng mme Pirates e hlotse MTN8 pejana sehleng.

Pele ho papadi ya makgaola-kgang, Pirates e kene ntweng le Stellenbosch ya hore e qetelle e le boemong ba bobedi ho Liki ya PSL.

Ditekete tse ekeditsweng tsa PSL dia rekiswa mabenkeleng a TicketPro, a kenyeletsang di-Supermarket tsa Spar, hammoho le Sasol, Engen, BP le dikaratjhe tsa Total naheng ka bophara.

Dihlopha tsena tse pedi ditlo bapala ka la 1 Phupjane, mme thakgoho ya makgolakgang etlo qala ka hora ya boraro (3pm).