Radithethefatsi ya hlwahlwa o llelwa ke ditshepe

Radithethefatsi ya dilemo di 38 ya tummeng o lletswe ke ditshepe ka la 12 Phupu 2024, ho la Welkom ka mora ho fumanwa ka dithethefatsi tsa boleng bo hodimo.

“Ditho tsa K9-Unit di ne di le letsholong le ikamahantse le mekoloko mane maboneng a sephethephethe tsa Koppie Allen Road, Welkom moo teng ba ileng ba elellwa koloi ya moetso wa Toyota Tazz e tshweu ka mmala, e nomoro polata ya Foreistata, e neng e qhojwa ke radithethefatsi enwa ya tummeng, di ile tsa ba emisa mme ba e phenyaphenya, ba fumana dikereme tse 99 tsa Khokheine le Rocks ya boleng ba R251 700,” ho boletse mmuelli wa sepolesa sa Lejweleputswa Stephen Thakeng.

Mmelaellwa o ile a hlahella ka pela lekgotla la dinyewe la masetereta wa Welkom ka la 15 Phupu 2024.