Monna o tshwerwe ka morero wa boshodu Botshabelo

Sehlopha sa Bafuputsi ba Botlokotsebe sa di-Hawks ho tswa Bloemfontein, se tshwere monna ya dilemo di 41.

Mmelaellwa otshwerwe ka Labobedi la 9 Pherekhong sebakeng sa hae sa mosebetsi, SASKO bakery depo Botshabelo.

Ho ya ka mmuelli wa di-Hawks Christopher Singo, ho dumelwa hore ka la 22 Pudungwana 2022 nakong ya
letsatsi le leng le le leng babelaellwa ba sa tsejweng ba ile ba kena meahong ya depo ya SASKO Botshabelo.

“Yaba ba emela ho fihla ha koloi ya G4S e neng e tlil’o nka tjhelete sebakeng seo. Ho fihla ha bahlanka ba G4S ba tshireletso babelaellwa ba ile ba hlasela basebetsi ba G4S, mme ba nka dithunya tsa bona ba baleha sebakeng seo ka tjhelete e sa bolelwang,” ho boletse Singo.

O ile a boela a hlalosa hore ka boitsebiso bo fumawoeng ho Crime Intelligence (CI) e Bloemfontein, baqosuwa ba bahlano ba ile ba tshwarwa hamorao ke maponesa pakeng tsa Hlakola le Pudungwana 2023.

Mabitso a bona ke Letsika Cosby Mmola (33), Tumelo Hlathe Ramotshabi (39), Lebogang, Martin Mokgele (37) le Teboho Benedict Letsoho (37).

E mong moqosuwa Khayalethu Mpangeni (30) o ile a tshwarwa ka Moqebelo wa la 6 Pherekgong 2024 ke ditho tsa maponesa (SAPS)

Letsika o hlahile ka pela Lekgotla la Dinyewe Botshabelo ka Laboraro la maobane, 10 Pherekgong.

Moqosuwa-mmoho le eena Mpangeni, o lebelletswe ho hlaha ka Labobedi la 16 Pherekgong 2024 bakeng sa
kopo ya semmuso ya beile.

Nyewe kgahlanong le Mmola, Ramotshabi, Mokgele, Letsoho e ntse e tswela pele mme ba lebelletswe ho hlaha kgotla ka la 2 Hlakola 2024.

Baqosuwa bohle ba tobane le diqoso tsa boshodu bo nang le maemo a mabe, ho ba le dithunya tse seng molaong, ho ba le dihlomo le morero wa bolotsana wa ho tlatlapa.