Rakgwebo, Shauwn ‘MaMkhize’ Mkhize, o boetse o entse kgato enngwe e kgolo hape, ka kamora hore a qetele tumellano ya ho reka Bloemfontein Celtic Ladies.
Ho ya ka ditlaleho, monga sehlopha sa Royal AM MaMkhize, o rekile boemo ba Bloemfontein Celtic Ladies FC bekeng ena efetileng, mme etlo thehwa Royal AM Ladies.
Sehlopha se tsebisitse hore, Celtic, e neng e bapala Hollywoodbets Super League, e se e tla fallela porofinsing ya KwaZulu-Natal.
Celtic, e tsebisitse hore SA Football Association (SAFA) e amohetse thekiso ya yona ho Royal AM, mme ho tlo fetola lebitso la sehlopha.
Ngwahola, MaMkhize o ile a reka sehlopha sa banna sa Bloemfontein Celtic ka di-milione tse 50, Celtic e ile ya fallela KwaZulu-Natal pele ho qala ha sehla se setjha sa DStv Premiership ka 2021.
Mkhize o itse sehlopha se tla bapala dipapadi tsa sona tse setseng jwalo ka Royal AM.
“Ho monate ho bona kamoo bolo ya maoto ya basadi e seng e qadile ho fihla mekgahlong e meholo ya Aforika,” ho boletse Mkhize.
“Ka keketseho ya matsete, tshehetso le ntshetsopele, sepheo sa nako e telele ke ho batalatsa mabala le balekane ba rona ba banna,” o boletse.
You may also be interested in:
Thabong Partnership Policing e keteka letsatsi la Nelson Mandela ka ho hlwekisa sekolo sa Mantshebo
Seponesa sa Virginia se fumane dikgomo tse 82 ho tse 85 tse utsuweng
MDDA heads to Bloemfontein for grant funding roadshow!
Bloemfontein’s famous job ‘conman’ remanded in jail for fraud, corruption
Royal AM has finally clinched the status of Bloemfontein Celtic FC
Sehlopha sa botsamaisi ba sekolo se sebedisana le Banka ya Capitec ho fana ka yunifomo ya sekolo Nyakallong
Kantoro ya Moporesidente e etela diporojeke tsa ntshetsopele ya meralo ya motheo ho phatlalla le Foreisetata