MoPresidente Cyril Ramaphosa o eteletse pele Imbizo Matjhabeng

MoPresitente Cyril Ramaphosa o teane le baahi ba Welkom, Matjhabeng Profenseng ya Foreisetata ho ka rarolla mathata a qobaneng le baahi.

MoPresidente Cyril Ramaphosa o eteletse pele Moetso wa Ntshetsopele ya Setereke (DDM) wa MoPresidente wa Imbizo ho Kopano Indoor Sports Centre, Welkom, Masepala wa Lehae wa Matjhabeng, tlasa mookotaba ‘Le se ke la Tlohela Motho ka Morao’.

Lena e ne e le ketelo ya bobedi ya MoPresidente Profenseng, ka mora dipuisano le baahi Masepaleng wa Mangaung ka 2022.

Maikaelelo a leeto la bobedi e ne e le go hlahloba kgatelopele ya maitlamo a entsweng le ho neelana ka dintlha ka botlalo ke puso ya setjhaba.

Pele ho imbizo ena ho bile le letoto la mesebetsi ya ho aha setjhaba e neng e etelletswe pele ke Matona, Batlatsi ba Matona, Ma-MEC le Meyara ho phatlalla le Masepala wa Setereke wa Lejweleputswa le Profense.

Letsatsi pele ho Imbizo, ho ne ho e-na le letsatsi la dipontsho tsa mmuso tse neng di tshwaretswe Boitumelo Mall, Thabong, Welkom. Mafapha a fapaneng a mmuso le mekgatlo e ne e etsa dipontsho, e fana ka tlhahisoleseding le ditshebeletso ho batho.

Hara diketso tsa bohlokwa e bile ho thakgolwa ha tlhodisano ya Masepala e hlwekileng le e motala ka ho fetesisa e neng e tshwaretswe Welkom ke Tonakgolo ya Foreisetata Mxolisi Dukwana.

Tlhodisano ena e etsa karolo ya Letsema Cleaning Campaign eo mmuso wa Foreisetata o e thehileng ho kgothaletsa setjhaba ho sebetsa mmoho le mmuso ho netefatsa hore dibaka tsa bona di hlwekile, di le tala ebile dia duleha.

Setjhaba se lla ka botlokotsebe, tlhokeho ya mesebetsi le ditshebeletso tse fokolang

Leetong lena, setjhaba se ile sa hlahisa ditletlebo tse kang metsi le kgallo ya motlakase, meralo e mebe ya ditsela, botlokotsebe, kgaello ya matlo, tlhokeho ya mesebetsi, dikgwerekgwere le boshodu ba mehala.

Ho arabela ditaba tse hlahisitsweng, Matona a kang Moetapele wa setereke sa Lejweleputswa Veronica Ntakumbana, ba ile ba fuwa monyetla wa ho araba le ho fana ka dintlafatso.

Tabeng ya matlo, ho tla hauwa matlo a dikete tse pedi, 2000, rakonteraka o se a ntse a le teng, morero ona o tla hlahisetsa setjhaba sa moo mesebetsi.

Boto ya Metsi a Bohareng ba Vaal, e kgethetswe ho lokisa hlwekiso ya metsi a ditshila a neng a sa sebetse hantle le dikgwele tsa dikgwerekgwere tse neng di sa sebetse.

Ho romelwa ha masole Matjhabeng ho lwantsha botlokotsebe

Ho ile ha etswa tsebiso ya hore ho tla romelwa ditho tse ding tse 395 tsa SANDF ho thusa ho sebetsana le ditlolo tsa molao tse fapaneng profenseng, ho kenyeletswa merafo e seng molaong.

Dikoloi tse ding tse leshome (10) di tla fuwa diteishene tse pedi tsa seponesa ho potoloha Welkom ho netefatsa ponahalo ya mapolesa sebakeng sena le ho matlafatsa bokgoni ba maponesa ho lwantsha botlokotsebe Profenseng.

• 

•