Monna wa dilemo di 41 o fumana kahlolo ya bophelo bohle teronkong mabapi le peto

Makgotla a dinyewe a sedika sa Hennenman a ahlotse Sello Motsei wa dilemo tse 41 bophelo bohle tjhankaneng ka ho beta mosadi ya dilemo tse 44 wa Meloding, Virginia.

Hoya ka mmuelli wa seponesa wa nakwana seterekeng sa Lejweleputswa, sajene Sinah Mpakane, moqusuwa o fihlile ha lehlatsipa a re otlo sebetsana le lebokoso la motlakase kala 1 Mphalane 2018.

“Lehlasipa o ile a nka moqosuwa a moisa lebokosong lena leneng lele ka kamoreng ya ho robala,” ho tsebisa Mpakane.

“Monna enwa o ile a tima motlakase ho lo sebetsa lebokosong, mme mosadi enwa a bonesa lebone la parafini ho etsa kganya.

Mmelaellwa o la tswela pele ka ho etsa e kare wa sebetsa, ebile a ntsha ditlelafo tsa matsoho le dikausu hotswa pokothong ya hae,” ho tlaleha Mpakane.

Ka mora nako esa fedising pelo, mmelaellwa enwa o ile a ya ho lehlatsipa la hae, a mo kgama ho fihlela a akgeha mme a wela fathse.

“Mosadi enwa ha a tsoha o ile a iphumana a sa apara, ebile a le betheng,” ho hlalosa Mpakane.

Moqosuwa ola beta mosadi enwa makgetlo a mararo a sa sebedisi tshireletso. Monna enwa ya dilemo di 41 o ile a tswella pele a tshosa mosadi eo ka polao ya thipa mme a mo laela hore ba robale.

Hoseng ha ba tsoha monna enwa o kopile tshwarelo ho lehlatsipa la hae, mme mosadi enwa a leka ho koba matshwafo ho fihlella atla kgona ho tsebisa baaisane ka ketsahalo ena.

“Lehlatsipa le la kgona ho hweletsa le kopa thuso yaba moqosuwa wa baleha sebakeng seo,” ho tsebisa Mpakane.

Mmelaellwa o ile a tshwarwa kala 10 Mphalane ke maponesa, a ileng a etsa dipatlisiso tse ileng tsa lebisa kahlolong ya moqosuwa.

Kala 23 Phupu, makgotla a dinyewe a sedika sa Hennenman, a fumane Motsei a le molato ka peto mme a ahlolelwa hoya hlola bophelo ba hae kaofela tjhankaneng.